-7.4 C
Pristina
Tuesday, January 25, 2022

“Ka me dhunu e me ta vra gruan, ti nashta pshton”/ Zbulohet pse ndodhi tragjedia në Gjilan

Më 24 qershor, në një kafene të Gjilanit, Bardhyl Zeqiri akuzohet se e theri për vdekje Ismajl Canin, pas një mosmarrëveshjeje verbale që kishte pasur me të. Ndaj Zeqirit, Prokuroria Themelore në Gjilan ka ngritur aktakuzë, si i dyshuar për veprën penale “vrasje e rëndë”. E gjithë kjo ngjarje tragjike që tronditi vendin atë ditë, dyshohet se ndodhi për shkak të lidhjes intime që i dyshuari Zeqiri kishte pasur me gruan e tani të ndjerit Ismajl Canit. Media ka mësuar se çfarë deklaroi i dyshuari Zeqiri për ditën kritike dhe ju sjellë detaje si ndodhi rasti mesditën e 24 qershorit.

Deklarimi i të dyshuarit Bardhyl Zeqiri

Bardhyl Zeqiri ka deklaruar në Polici se para se të ndodhte ngjarja tragjike, rreth orës 11:30, e kishte telefonuar viktima Ismajl Cani, i cili, sipas tij, i kishte kërkuar të takoheshin dhe të flisnin për marrëdhënien që Bardhyli kishte pasur me gruan e tij.

Në deklaratën e Zeqirit thuhet se kur ai ka shkuar në kafene, aty e kishte gjetur Ismajlin duke pirë birrë, i cili më pas, sipas tij, i ka thënë se “ty nuk të bëj gjë, mirëpo do t’i vras ata që do të djegin më së shumti. Po shkoj po ta përdhunoj gruan në shpi, kam me ta vra djalin dhe pasi ta q** gruan, edhe grujen ka me vra, edhe ti nashta pshton”.

Pas këtyre fjalëve, Bardhyli ka deklaruar se ia ka kthyer Ismajlit, duke i thënë “pushka top tu boft Ismajl”. Në ato momente sipas Bardhylit, Ismajli e ka kapur për veshi atë dhe i ka thënë se “tash e marr alltinë dhe të vras”, duke e goditur, sipas tij, me shishen e birrës të cilën Ismajli e kishte në dorë. Bardhyli tutje ka thënë se fytyra i ishte mbuluar me gjak nga goditjet dhe ishte larguar nga tavolina ku ishte.

Situata në atë moment kishte eskaluar, kur Bardhyli kishte marrë briskun dhe i ishte drejtuar Ismajlit me fjalët: “Qekjo është besa jote a, une erdha me fol si njeri me ty”. Ndërsa Ismajli, sipas Bardhylit, ia ka kthyer duke i thënë se “tash po i thirri vëllezërit, e me shku me ta vra djalin”. Pas këtyre fjalëve, ndodhi edhe tragjedia. Bardhyli dyshohet se e theri për vdekje Ismajlin, në qaf e gjoks.

Bardhyli e Ismajli ishin takuar një ditë para se të ndodhte ngjarja tragjike

Njëri nga dëshmitarët për këtë rast ka deklaruar se Ismajli dhe Bardhyli dhe një person tjetër ishin takuar një ditë para kësaj ngjarje dhe kishin shkuar në banesën e viktimës, Ismajlit, ku ka deklaruar se kanë biseduar për lidhjen intime të Bardhylit me gruan e Ismajlit. Ky dëshmitar ka thënë se aty i dyshuari e kishte pranuar se ka pasur marrëdhënie seksuale me gruan e Ismajlit.

Përveç këtij dëshmitari, edhe gruaja e të dyshuarit ka deklaruar se burri i saj kishte pasur lidhje me gruan e Ismajlit.

Raporti i Autopsisë

Sipas raportit të autopsisë, vdekja e Ismajl Canit ka qenë e dhunshme dhe ka ardhur si rrjedhojë e shokut hemorragjik, si pasojë e gjakderdhjes së jashtme. Në këtë raporti thuhet se Ismajli ka pasur 4 plagë prerëse dhe dy shpuese.

Bardhyl Zeqiri gjendet në paraburgim nga 24 qershori, ndërsa sot Prokuroria në Gjilan ka njoftuar se ndaj të njëjtit është ngritur aktakuza.

Lajmet e fundit

Enver Maloku para se të vritej: Kështu na ka mallkuar Bujar Bukoshi – ja dy personat që i ndërprenë lidhjet Ibrahim Rugovës

Më 11 janar, u bënë 23 vite që nga vrasja e Enver Malokut, ish kreut të Qendrës Informative të Kosovës dhe bashkëpunëtor i ish...

“Jam gati të vë dorën në zjarr për këtë” / Nano tregon provat që kanë fundosur Sali Berishën

Shpallja non grata e Sali Berishës nga Departamenti i Shtetit është për analistin Mustafa Nano një vendim i marrë në interes të shqiptarëve. Nano tha...

Përçahen Lladrovct/ Vëllai i Ramizit thotë se s’do ta votojë më PDK-në

Emri Lladrovci, vëllai i kryetarit të Drenasit, Ramiz Lladrovci, ka njoftuar se nuk do të jetë më anëtar i Partisë Demokratike të Kosovës. Madje ai...

“Peshqit e mëdhenj”, ROSU duhet të zbarkojë në rezidencat e të fortëve të politikës

Lëndët e ‘Peshqëve të mëdhenj’ ende kanë mbetur pa u përfunduar. Ato nuk po heton as nga Eulex-i e as nga organet tjera të...

TE NGJASHME

Enver Maloku para se të vritej: Kështu na ka mallkuar Bujar Bukoshi – ja dy personat që i ndërprenë lidhjet Ibrahim Rugovës

Më 11 janar, u bënë 23 vite që nga vrasja e Enver Malokut, ish kreut të Qendrës Informative të Kosovës dhe bashkëpunëtor i ish...

“Jam gati të vë dorën në zjarr për këtë” / Nano tregon provat që kanë fundosur Sali Berishën

Shpallja non grata e Sali Berishës nga Departamenti i Shtetit është për analistin Mustafa Nano një vendim i marrë në interes të shqiptarëve. Nano tha...

Përçahen Lladrovct/ Vëllai i Ramizit thotë se s’do ta votojë më PDK-në

Emri Lladrovci, vëllai i kryetarit të Drenasit, Ramiz Lladrovci, ka njoftuar se nuk do të jetë më anëtar i Partisë Demokratike të Kosovës. Madje ai...

“Peshqit e mëdhenj”, ROSU duhet të zbarkojë në rezidencat e të fortëve të politikës

Lëndët e ‘Peshqëve të mëdhenj’ ende kanë mbetur pa u përfunduar. Ato nuk po heton as nga Eulex-i e as nga organet tjera të...