11.5 C
Pristina
Saturday, September 25, 2021

IKShPK-ja alarmon për rritje të rasteve me koronavirus, MSh-ja nuk merr masa të reja

Numri i rasteve të reja me koronavirus në Kosovë është duke shënuar rritje. Pavarësisht alarmimit të Institutit Kombëtar të Shëndetësisë Publike në Kosovë (IKShPK), se këto ditë janë duke u shënuar shifra të larta të të infektuarve, Ministria e Shëndetësisë s’ka vendim për masa të reja.

Nga ministria që tash po udhëhiqet nga Arben Vitia kanë thënë për Express, se aktualisht nuk ka asnjë vendim për masa të reja.

“Deri tash nuk ka vendime te reja, nëse vendoset për ndonjë mase, publiku do te informohet me kohe”, thuhet në përgjigjen e kësaj ministrie për Express.

Në ndërkohë IKSHPK-ja ka njoftuar sot për 860 raste të reja me koronavirus në vend. Sipas njoftimit të Institutit kjo është shifra më e lartë e të infektuarve që është shënuar gjatë vitit 2021.

“Duke pasur parasysh vlerësimin dinamik dhe në kohë reale të situatës epidemiologjike me COVID -19, sot janë raportuar 860 raste pozitive, që paraqet numrin më të madh të rasteve pozitive këtë vit me tendencë të rritjes ditëve në vijim. Vetëm në Prishtinë janë raportuar 287 raste pozitive. Shprehim ngushëllime familjarëve për 6 rastet e vdekjeve të raportuara gjatë 24 orëve të fundit. Numri i rasteve pozitive dhe vdekjeve nga COVID-19 vazhdon të jetë i lartë dhe brengosës si pasojë e drejtpërdrejtë e neglizhimit të masave”, thuhet në njoftimin e IKShPK-së.

E Kosovës aktualisht është duke i munguar edhe vaksina kundër koronavirusit.

MSh-ja në një përgjigje për Express ka konfirmuar sot se së shpejti do të vijnë në Kosovë 24 mijë doza të vaksinës Astra Zeneca.

“GAVI ka informuar MSH se vaksinat e para (Astra Zeneca) ne kontigjent prej 24 000 dozave do ta arrijnë shumë shpejt. MSh, sipas procedurave te aplikimit te pergatitura nga COVAX, ka dorëzuar aplikacionin me te gjitha dokumentet e kërkuara të bashkëngjitura në mënyrë elektronike në këtë mekanizem dhe, COVAX, i ka konfirmuar MSH-së se është pranuar dhe miratuar apklimi i saj”, thuhet në një përgjigje të MSH-së për Express.

Në ndërkohë nga kjo ministri është bërë e ditur se nga koronavirusi më së shumti është prekur grupmosha 30-39 vjeçare.

“30-39, është mosha dominuese e të infektuarve, por ka nga te gjitha moshat ndërsa grupmosha brenda së cilës janë shënuar me se shumti vdekje është 70-79. Por, ka edhe nga te gjitha grupmoshat e tjera”, thuhet në përgjigjen e MSh-së.

Ndërsa në 24 orët e fundit në Kosovë janë shënuar 860 raste të reja me koronavirus.

Brenda 24 orëve janë raportuar 6 raste të vdekjes me SARS CoV-2 pozitiv. Rastet e vdekjes janë nga komunat: Kamenicë 2 raste (78, 76 vjeç), Dragash 1 rast (84 vjeç), Ferizaj 1 rast (74 vjeç), Fushë-Kosovë 1 rast (65 vjeç) dhe Gjakovë 1 rast (83 vjeç).

Numri total i rasteve pozitive është 86.194 raste nga 405.798 persona të dyshimtë në virusin SARS-CoV-2 dhe 1.819 raste të vdekjes.

Gjatë 24 orëve të fundit, janë shëruar 682 pacientë derisa numri i përgjithshëm i të shëruarve deri më sot është gjithsej 71.269 raste, kurse numri i rasteve aktive është 13.106.

Lajmet e fundit

Çfarë ndodh nëse Serbia suImon me ushtri?/ Profesori universitar: Ata që frikësohen le të ikin nga Prishtina!

Profesori universitar, Enver Bytyçi ka reaguar lidhur me pretendimet e rreme të Serbisë se forcat policore të Kosovës kanë qëlluar tre serbë. Ai përmendi edhe...

​COVID-19, sërish ngadalësim global i pandemisë

Pandemia COVID-19 është ngadalësuar sërish këtë javë në botë, sipas të dhënave më të fundit. Me 510 000 raste infektimi të regjistruara çdo ditë në...

Foshnjat e lindura në këto data kanë shansin më të mirë për sukses në jetë

Studiuesit e MyHeritage hulumtuan kur 1,000 fitues të çmimeve prestigjioze kishin lindur për të zbuluar ditëlindjet që ka shumë të ngjarë të sjellin sukses,...

Pjesa e trupit që lani të parën në dush zbulon personalitetin tuaj

Shumica e njerëzve e nisin ditën me një dush të ngrohtë. Sidoqoftë, mënyra se si laheni nuk është kurrë e njëjtë. Mund të mos e...

TE NGJASHME

Çfarë ndodh nëse Serbia suImon me ushtri?/ Profesori universitar: Ata që frikësohen le të ikin nga Prishtina!

Profesori universitar, Enver Bytyçi ka reaguar lidhur me pretendimet e rreme të Serbisë se forcat policore të Kosovës kanë qëlluar tre serbë. Ai përmendi edhe...

​COVID-19, sërish ngadalësim global i pandemisë

Pandemia COVID-19 është ngadalësuar sërish këtë javë në botë, sipas të dhënave më të fundit. Me 510 000 raste infektimi të regjistruara çdo ditë në...

Foshnjat e lindura në këto data kanë shansin më të mirë për sukses në jetë

Studiuesit e MyHeritage hulumtuan kur 1,000 fitues të çmimeve prestigjioze kishin lindur për të zbuluar ditëlindjet që ka shumë të ngjarë të sjellin sukses,...

Pjesa e trupit që lani të parën në dush zbulon personalitetin tuaj

Shumica e njerëzve e nisin ditën me një dush të ngrohtë. Sidoqoftë, mënyra se si laheni nuk është kurrë e njëjtë. Mund të mos e...